Laravel
| Laravel | |
|---|---|
 | |
| Тып | Вэб-фрэймворк |
| Распрацоўшчык | Тэйлар Отвэл |
| Напісана на | PHP |
| Аперацыйная сістэма | кросплатформавае праграмнае забеспячэнне |
| Першы выпуск | 9 чэрвеня 2011[1] |
| Апошняя версія |
|
| Рэпазіторый | GitHub |
| Ліцэнзія | Ліцэнзія MIT |
| Сайт | laravel.com |
 Медыяфайлы на Вікісховішчы | |
Laravel — гэта свабодны вэб-фрэймворк PHP з адкрытым зыходным кодам[3], створаны Тэйларам Отвэлам і прызначаны для распрацоўкі вэб-праграм па архітэктурным шаблоне «model–view–controller» (MVC) на аснове Symfony. Сярод асаблівасцяў Laravel — модульная сістэма пакавання з адмысловым мэнэджарам залежнасцяў, розныя спосабы доступу да рэляцыйных баз даных, утыліты, якія дапамагаюць разгортваць і суправаджаць вэб-праграмы. Мае арыентацыю на сінтаксічны цукар[4][5][6][7].
Зыходны код Laravel размешчаны на GitHub і ліцэнзуецца на ўмовах ліцэнзіі MIT[8].
Гісторыя
[правіць | правіць зыходнік]Тэйлар Отвэл стварыў Laravel як спробу прапанаваць больш дасканалую альтэрнатыву фрэймворку CodeIgniter, які не валодаў некаторымі магчымасцямі, напрыклад убудаванай падтрымкай аўтэнтыфікацыі і аўтарызацыі карыстальнікаў. Першая бэта-версія Laravel была выпушчана 9 чэрвеня 2011 года, а затым у тым жа месяцы быў выпушчаны рэліз Laravel 1. Laravel 1 меў убудаваную падтрымку аўтэнтыфікацыі, лакалізацыі, мадэляў, уяўленняў, сесій, маршрутызацыі і іншых механізмаў, але не меў падтрымкі кантролераў, што не дазваляла яму быць сапраўдным MVC-фрэймворкам.
Гісторыя выпускаў
[правіць | правіць зыходнік]Версіі з абазначэннем LTS падтрымліваліся выпраўленнямі памылак на працягу 2 гадоў і абнаўленнямі бяспекі на працягу 3 гадоў. Іншыя версіі падтрымліваліся выпраўленнямі памылак на працягу 6 месяцаў і абнаўленнямі бяспекі на працягу 1 года[9]. Пачынаючы з версіі 8, асноўныя версіі выходзяць штогод, а тэрміны падтрымкі складаюць: выпраўленні памылак на працягу 18 месяцаў і абнаўленні бяспекі на працягу 2 гадоў для ўсіх версій. Для дадатковых бібліятэк выпраўленне памылак робіцца толькі ў апошняй асноўнай версіі[10].
| Версія | Дата выхаду | Версія PHP |
|---|---|---|
| 1.0 | Чэрвень 2011 | |
| 2.0 | Верасень 2011 | |
| 3.0 | 22 лютага 2012 | |
| 3.1 | 27 сакавіка 2012 | |
| 3.2 | 22 мая 2012 | |
| 4.0 | 28 мая 2013 | ≥ 5.3.0 |
| 4.1 | 12 снежня 2013 | ≥ 5.3.0 |
| 4.2 | 1 чэрвеня 2014 | ≥ 5.4.0 |
| 5.0 | 4 лютага 2015 | ≥ 5.4.0 |
| 5.1 LTS | 9 чэрвеня 2015 | ≥ 5.5.9 |
| 5.2 | 21 снежня 2015 | ≥ 5.5.9 |
| 5.3 | 23 жніўня 2016 | ≥ 5.6.4 |
| 5.4 | 24 студзеня 2017 | ≥ 5.6.4 |
| 5.5 LTS | 30 жніўня 2017 | ≥ 7.0.0 |
| 5.6 | 7 лютага 2018 | ≥ 7.1.3 |
| 5.7 | 4 верасня 2018 | ≥ 7.1.3 |
| 5.8 | 26 лютага 2019 | ≥ 7.1.3 |
| 6 LTS | 3 верасня 2019 | 7.2 — 8.0 |
| 7 | 3 сакавіка 2020 | 7.2 — 8.0 |
| 8 | 8 верасня 2020 | 7.3 — 8.1 |
| 9 | 8 лютага 2022 | 8.0 — 8.1[11] |
| 10 | 14 лютага 2023 | ≥ 8.1[12] |
| 11 | 1 квартал 2024 | ≥ 8.2 |
Канферэнцыі
[правіць | правіць зыходнік]
Laracon — гэта афіцыйная канферэнцыя Laravel, прысвечаная фрэймворку Laravel, яго развіццю, выкарыстанню і агульным пытанням распрацоўкі праграмнага забеспячэння. У мінулым Laracon праводзіўся ў ЗША, Еўропе і ў Інтэрнэце[13][14]. Як правіла, канферэнцыя праводзіцца ў ЗША і Еўропе штогод. 2017 год стаў першым годам, калі Laracon праводзіўся толькі ў рэжыме анлайн. 2018 год стаў першым годам правядзення Laracon у Аўстраліі. Кожны год у канферэнцыі розныя фундатары і арганізатары, але асноўнымі арганізатарамі звычайна выступаюць кампаніі Laravel, Laravel News і UserScape.
У той час, як шматлікія канферэнцыі Laracon з’яўляюцца афіцыйнымі, шэраг іншых канферэнцый праводзіцца пад назвай Laravel Live. У цяперашні час штогод праводзяцца канферэнцыі Laravel Live UK і Laravel Live India[15][16]. Хоць гэтыя канферэнцыі не з’яўляюцца афіцыйнымі, яны маюць дазвол Тэйлара Отвэла на выкарыстанне назвы Laravel.
Гл. таксама
[правіць | правіць зыходнік]- Vue.js, фронтэнд-фрэймворк, які па змаўчанні пастаўляецца ў складзе Laravel
Зноскі
- ↑ History of Laravel PHP framework, Eloquence emerging — 2013. Праверана 10 мая 2015.
- ↑ Release 11.1.4 — 2024. Праверана 23 ліпеня 2024.
- ↑ The real-time community site Voten goes open-source (англ.). Laravel News (16 чэрвеня 2017). Архівавана з першакрыніцы November 12, 2020. Праверана 30 красавіка 2020.
- ↑ Daniel Gafitescu. Goodbye CodeIgniter, Hello Laravel. sitepoint.com (6 чэрвеня 2013). Архівавана з першакрыніцы November 30, 2020. Праверана December 21, 2013.
- ↑ Laravel 5 Essentials. April 2015. Праверана September 2, 2015.
{{cite book}}:|archive-date=патрабуе|archive-url=(даведка); Вонкавая спасылка ў|archivedate=|archivedate=(даведка) - ↑ Laravel Documentation (versions 3.0–3.2.14)(недаступная спасылка). three.laravel.com. Архівавана з першакрыніцы August 26, 2014. Праверана August 30, 2014.
- ↑ Laravel Documentation (version 4.2). laravel.com. Архівавана з першакрыніцы September 20, 2014. Праверана August 30, 2014.
- ↑ laravel/framework: The Laravel Framework. github.com. Архівавана з першакрыніцы January 16, 2023. Праверана January 17, 2023.
- ↑ Laravel Documentation: Releases. Laravel. Архівавана з першакрыніцы November 23, 2020. Праверана February 26, 2017.
- ↑ Laravel - The PHP Framework For Web Artisans (англ.). laravel.com. Праверана 5 верасня 2023.
- ↑ Laravel 9 is Now Released! (англ.). Laravel News. Праверана 5 верасня 2023.
- ↑ Laravel 10 is now released! (англ.). Laravel News. Праверана 5 верасня 2023.
- ↑ Laracon Online | The official worldwide Laravel online conference (англ.). laracon.net. Архівавана з першакрыніцы December 16, 2020. Праверана 24 сакавіка 2017.
- ↑ Search Results (англ.). laravel-news.com. Архівавана з першакрыніцы May 29, 2020. Праверана 24 сакавіка 2017.
- ↑ Laravel Live UK | Home. laravellive.uk. Архівавана з першакрыніцы August 14, 2020. Праверана 5 жніўня 2020.
- ↑ Laravel Live India Community (англ.). Laravel Live India Community. Архівавана з першакрыніцы August 10, 2020. Праверана 5 жніўня 2020.
| Тэматычныя сайты |
|---|